sharm bhi ik tarah ki chori hai — Anwar Dehlvi

pheinkiye kyuun mai-e-naaqis saaqi
shaikh-saahib ki ziyaafat hi sahi

— Anwar Dehlvi

na main samjhaa na aap aae kahin se
pasina pochhiye apni jabin se

— Anwar Dehlvi

kuchh khabar hoti to main apni khabar kyuun rakhtaa
ye bhi ik be-khabari thi ki khabar-daar rahaa

— Anwar Dehlvi

miTTi kharaab hai tire kuche mein varna ham
ab tak to jis zamin pe rahe aasmaan rahe

— Anwar Dehlvi

niind kaa kaam garche aanaa hai
meri aankhon mein par nahin aati

— Anwar Dehlvi

surat chhupaaiye kisi surat-parast se
ham dil mein naqsh aap ki tasvir kar chuke

— Anwar Dehlvi