mumkin hai mil hi jaae maqaam-e-sukun kahin — Anwar Sabri

zulmaton mein raushni ki justuju karte raho
zindagi bhar zindagi ki justuju karte raho

— Anwar Sabri

uf vo maasum o hayaa-rez nigaahein jin par
qatl ke baad bhi ilzaam nahin aataa hai

— Anwar Sabri

main jo royaa un ki aankhon mein bhi aansu aa gae
husn ki fitrat mein shaamil hai mohabbat kaa mizaaj

— Anwar Sabri

tamaam umr qafas mein guzaar di ham ne
khabar nahin ki nasheman ki zindagi kyaa hai

— Anwar Sabri

vaqt jab karvaTein badaltaa hai
fitna-e-hashr saath chaltaa hai

— Anwar Sabri

meri nigaah-e-fikr mein 'anvar'
ishq fasaana husn hai uryaan

— Anwar Sabri

kam-umri mein sunet hain
mar jaate hain achchhe log

— Malikzada Javed

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

— Allama Iqbal

zindagi ke bahut qarib na jaa
faasla kuchh to apne dhyaan mein rakh

— Akmal Imaam

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim