kitne subuk-dil hue tujh se bichhaDne ke baad — Anwar Siddiqui

ujaalti nahin ab mujh ko koi taariki
sanvaartaa nahin ab koi haadsa mujh ko

— Anwar Siddiqui

Duboe detaa hai khud-aagahi kaa baar mujhe
main Dhaltaa nashsha huun mauj-e-tarab ubhaar mujhe

— Anwar Siddiqui

saari shafaq sameT ke suraj chalaa gayaa
ab kyaa rahaa hai mauj-e-shab-e-taar ke sivaa

— Anwar Siddiqui

bikhar ke TuuT gae ham bikharti duniyaa mein
khud-aafrini kaa saudaa hamaare sar mein thaa

— Anwar Siddiqui

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

— Haidar Ali Aatish

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

dil-e-haris hi apnaa na ho sakaa qaane
vagarna tere karam mein to kuchh kami na rahi

— Soz Hoshiarpuri

kisi se ishq apnaa kyaa chhupaaein
mohabbat Tapki paDti hai nazar se

— Meer Mehdi Majrooh