'aarif vo faisle ki ghaDi bhi 'ajib thi — Arif Shafiq

jab koi ahm faisla karnaa
apne bachchon se mashvara karnaa

— Arif Shafiq

yaqin ab ho gayaa main sach huun 'aarif
jabhi duniyaa mujhe jhuTlaa rahi hai

— Arif Shafiq

gharib-e-shahr to faaqe se mar gayaa 'aarif'
amir-e-shahr ne hiire se khud-kushi kar li

— Arif Shafiq

andhe adam vajud ke girdaab se nikal
ye zindagi bhi khvaab hai tu khvaab se nikal

— Arif Shafiq

koi lashkar yahaan se guzraa hai
itni ujDi ye rah-guzar kyon hai

— Arif Shafiq

mujhe khudaa ne vo bakhshaa hai shaa'iri kaa hunar
jo khvaab dekhtaa huun vo dikhaa bhi saktaa huun

— Arif Shafiq

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

main badalte hue haalaat mein Dhal jaataa huun
dekhne vaale adaakaar samajhte hain mujhe

— Shahid Zaki

dil-e-haris hi apnaa na ho sakaa qaane
vagarna tere karam mein to kuchh kami na rahi

— Soz Hoshiarpuri

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli