haan samundar mein utar lekin ubharne ki bhi soch — Arsh Siddiqui

vo ayaadat ko to aayaa thaa magar jaate hue
apni tasvirein bhi kamre se uThaa kar le gayaa

— Arsh Siddiqui

zamaane bhar ne kahaa 'arsh' jo, khushi se sahaa
par ek lafz jo us ne kahaa sahaa na gayaa

— Arsh Siddiqui

ek lamhe ko tum mile the magar
umr bhar dil ko ham masalte rahe

— Arsh Siddiqui

ik teri be-rukhi se zamaana khafaa huaa
ai sang-dil tujhe bhi khabar hai ki kyaa huaa

— Arsh Siddiqui

ham ki maayus nahin hain unhein paa hi leinge
log kahte hain ki DhunDe se khudaa miltaa hai

— Arsh Siddiqui

bas yunhi tanhaa rahungaa is safar mein umr bhar
jis taraf koi nahin jaataa udhar jaataa huun main

— Arsh Siddiqui

jinhein ye fikr nahin sar rahe rahe na rahe
vo sach hi kahte hain jab bolne pe aate hain

— Aabid Adeeb

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

bagulaa jin ke sar par chatr-e-shaahi hai zamin masnad
vahi aqlim-e-gham mein aah ki naubat bajaate hain

— Siraj Aurangabadi

us ko sochun to dhyaan mein mere
khushbu aati hai pahli baarish ki

— Vibha Jain 'Khwaab'

azaab-e-daanish-e-haazir se baa-khabar huun main
ki main is aag mein Daalaa gayaa huun misl-e-khalil

— Allama Iqbal

be-ilm shaairon kaa gila kyaa hai ai 'munir'
hai ahl-e-ilm ko tiraa tarz-e-bayaan pasand

— Muneer Shikohabadi