sharaab band ho saaqi ke bas ki baat nahin — Asad Multani

rahein na rind ye zaahid ke bas ki baat nahin
tamaam shahr hai do-chaar das ki baat nahin

— Asad Multani

asraar agar samjhe duniyaa ki har ik shai ke
khud apni haqiqat se ye be-khabari kyuun hai

— Asad Multani

ret par ik nishaan hai shaayad
ye hamaaraa makaan hai shaayad

— Muzaffar Abdali

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi