talaatum mein kabhi utraa thaa 'asghar' — Asghar Shamim

shahr to kab kaa jal chukaa 'asghar'
uTh rahaa hai magar dhuaan ab tak

— Asghar Shamim

saari duniyaa ko jitne vaalaa
apne bachchon se haar jaataa hai

— Asghar Shamim

kahaan sar chhupaaein pataa hi nahin
ki girne lagi ghar ki divaar ab

— Asghar Shamim

sar pe dastaar jab salaamat hai
dil mein aati hui anaa se Dar

— Asghar Shamim

dil mein 'asghar' ke khushiyon ki barsaat thi
hanste hanste vo kyuun gham-zada ho gayaa

— Asghar Shamim

ret par ik nishaan hai shaayad
ye hamaaraa makaan hai shaayad

— Muzaffar Abdali

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi