sameT le gae sab rahmatein kahaan mehmaan — Asif Saqib

raste ki anjaan khushi hai
manzil kaa an-jaanaa Dar hai

— Asif Saqib

dil ki maujon ki taDap meri sadaa mein aae
daaere karb ke phaile to havaa mein aae

— Asif Saqib

lakir khinch ke mujh pe vo phir mujhe dekhe
nigaar-o-naqsh mein chehra hai hu-ba-hu meraa

— Asif Saqib

siine ke biich 'saaqib' aisaa hai marnaa jiinaa
ik yaad ji uThi thi ik yaad mar gai hai

— Asif Saqib

kis darja munaafiq hain sab ahl-e-havas 'saaqib'
andar se to patthar hain aur lagte hain paani se

— Asif Saqib

qaidi rihaa hue the pahan kar nae libaas
ham to qafas se oDh ke zanjir chal paDe

— Asif Saqib

ret par ik nishaan hai shaayad
ye hamaaraa makaan hai shaayad

— Muzaffar Abdali

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

aasmaan jhaank rahaa hai 'khaalid'
chaand kamre mein mire utraa hai

— Khalid Sharif