saare dil ek se nahin hote — Aslam Farrukhi

raushni ho rahi hai kuchh mahsus
kyaa shab aakhir tamaam ko pahunchi

— Aslam Farrukhi

na dekh mujh ko mohabbat ki aankh se ai dost
miraa vajud miraa muddaaa na ho jaae

— Aslam Farrukhi

koi manzil nahin baaqi hai musaafir ke liye
ab kahin aur nahin jaaegaa ghar jaaegaa

— Aslam Farrukhi

hangaama-e-hasti se guzar kyuun nahin jaate
raste mein khaDe ho gae ghar kyuun nahin jaate

— Aslam Farrukhi

aag si lag rahi hai siine mein
ab mazaa kuchh nahin hai jiine mein

— Aslam Farrukhi

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

main badalte hue haalaat mein Dhal jaataa huun
dekhne vaale adaakaar samajhte hain mujhe

— Shahid Zaki

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal

us ke munh pe mukar gayaa thaa dil
aaj had se guzar gayaa thaa dil

— Divyansh Rawat