kal jo qaatil the vahi aae masihaa ban kar — Asrar Jamayee

jantaa kaa khuun bechiye paise kamaaiye
kyon shikva-haae gardish-e-ayyaam kijiye

— Asrar Jamayee

urdu kaa iqbaal bhi dekhaa
aur us ko paamaal bhi dekhaa

— Asrar Jamayee

leader jo nazar aae to bolo ye adab se
taqrir mein tum garmi-e-whiskey se jilaa do

— Asrar Jamayee

apni gharaz ke aage sadaa-e-zamir kyaa
saare takallufaat ko nilaam kijiye

— Asrar Jamayee

kuchh der dum hilaaiye aaqaa ke saamne
phailaa ke paanv ghar pe phir aaraam kijiye

— Asrar Jamayee

zindagi ho miri netaaon ki surat yaa-rab
ho faqat apni gharaz se hi mohabbat yaa-rab

— Asrar Jamayee

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

kaabe ko jaataa kis liye hindostaan se main
kis but mein shahr-e-hind ke shaan-e-khudaa na thi

— Rind Lakhnavi

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

baat karnaa pyaar ki aasaan se aasaan hai
ishq karnaa karte rahnaa hai kaThin se bhi kaThin

— Raghvendra Dwivedi

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

dekhe na mujhe kyunkar az-chashm-e-hiqaarat-u
vo sarv-e-javaan yaaro man-faakhta-e-piram

— Nazeer Akbar Abadi