tum ne to hukm-e-tark-e-tamannaa sunaa diyaa — Asrarul Haq Majaz

taskin-e-dil-e-mahzun na hui vo sai-e-karam farmaa bhi gae
is sai-e-karam ko kyaa kahiye bahlaa bhi gae taDpaa bhi gae

— Asrarul Haq Majaz

Dubo di thi jahaan tufaan ne kashti
vahaan sab the khudaa kyaa naa-khudaa kyaa

— Asrarul Haq Majaz

yaa to kisi ko jurat-e-didaar hi na ho
yaa phir miri nigaah se dekhaa kare koi

— Asrarul Haq Majaz

ham arz-e-vafaa bhi kar na sake kuchh kah na sake kuchh sun na sake
yaan ham ne zabaan hi kholi thi vaan aankh jhuki sharmaa bhi gae

— Asrarul Haq Majaz

tire maathe pe ye aanchal bahut hi khuub hai lekin
tu is aanchal se ik parcham banaa leti to achchhaa thaa

— Asrarul Haq Majaz

tumhin to ho jise kahti hai naakhudaa duniyaa
bachaa sako to bachaa lo ki Dubtaa huun main

— Asrarul Haq Majaz

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal

chaand ne taan li hai chaadar-e-abr
ab vo kapDe badal rahi hogi

— Jaun Elia

us ke munh pe mukar gayaa thaa dil
aaj had se guzar gayaa thaa dil

— Divyansh Rawat