kis darja mire shahr ki dilkash hai fazaa bhi — Athar Nadir

aadmi kaa amal se rishta hai
kaam aataa nahin nasab kuchh bhi

— Athar Nadir

dekho to har ik rang se miltaa hai miraa rang
socho to har ik baat hai auron se judaa bhi

— Athar Nadir

raat aangan mein chaand utraa thaa
tum mile the ki khvaab dekhaa thaa

— Athar Nadir

gham-gusaari ke liye ab nahin aataa hai koi
zakhm bhar jaane kaa imkaan na huaa thaa so huaa

— Athar Nadir

ab aa bhi jaao ki ik dusre mein gum ho jaaein
visaal-o-hijr kaa qissa bahut puraanaa huaa

— Athar Nadir

jo dekhiye to zamaana hai tez-rau kitnaa
tulu-e-subh abhi hai to vaqt-e-shaam abhi

— Athar Nadir

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli

chaand ne taan li hai chaadar-e-abr
ab vo kapDe badal rahi hogi

— Jaun Elia

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal