raat ik shakhs bahut yaad aayaa — Aziz Ahmad Khan Shafaq

shafaq kaa rang kitne vaalehaana-pan se bikhraa hai
zamin o aasmaan ne mil ke unvaan-e-sahar likkhaa

— Aziz Ahmad Khan Shafaq

andheraa itnaa hai ab shahr ke muhaafiz ko
har ek raat koi ghar jalaanaa paDtaa hai

— Aziz Ahmad Khan Shafaq

na jaane kaun apaahij banaa rahaa hai hamein
safar mein tark-e-safar kaa khayaal kyuun aayaa

— Aziz Ahmad Khan Shafaq

bahut dinon se idhar us ko yaad bhi na kiyaa
bahut dinon se udhar kaa khayaal kyuun aayaa

— Aziz Ahmad Khan Shafaq

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

koi viraani si viraani hai
dasht ko dekh ke ghar yaad aayaa

— Mirza Ghalib

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

— Zafar Iqbal

silvaTein hain mire chehre pe to hairat kyuun hai
zindagi ne mujhe kuchh tum se ziyaada pahnaa

— Ahmad Faraz