dhaDakte hue dil ke ham-raah mere — Aziz Hyderabadi

vo ye kah kar daagh dete hain mujhe
phuul se pahle samar aate nahin

— Aziz Hyderabadi

mushkil hai imtiyaaz-e-azaab-o-savaab mein
piitaa huun main sharaab milaa kar gulaab mein

— Aziz Hyderabadi

koi rusvaa koi saudaai hai
ik jahaan aap kaa shaidaai hai

— Aziz Hyderabadi

zor qismat pe chal nahin saktaa
khaamushi ikhtiyaar kartaa huun

— Aziz Hyderabadi

us ne sun kar baat meri Taal di
uljhanon mein aur uljhan Daal di

— Aziz Hyderabadi

ayaan yaa nihaan ik nazar dekh lete
kisi surat un ko magar dekh lete

— Aziz Hyderabadi

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

dil-e-haris hi apnaa na ho sakaa qaane
vagarna tere karam mein to kuchh kami na rahi

— Soz Hoshiarpuri

main badalte hue haalaat mein Dhal jaataa huun
dekhne vaale adaakaar samajhte hain mujhe

— Shahid Zaki

chaand ne taan li hai chaadar-e-abr
ab vo kapDe badal rahi hogi

— Jaun Elia