mushkil hai imtiyaaz-e-azaab-o-savaab mein — Aziz Hyderabadi

vo ye kah kar daagh dete hain mujhe
phuul se pahle samar aate nahin

— Aziz Hyderabadi

koi rusvaa koi saudaai hai
ik jahaan aap kaa shaidaai hai

— Aziz Hyderabadi

zor qismat pe chal nahin saktaa
khaamushi ikhtiyaar kartaa huun

— Aziz Hyderabadi

us ne sun kar baat meri Taal di
uljhanon mein aur uljhan Daal di

— Aziz Hyderabadi

gin rahaa huun harf un ke ahd ke
mujh ko dhokaa de rahi hai yaad kyaa

— Aziz Hyderabadi

ayaan yaa nihaan ik nazar dekh lete
kisi surat un ko magar dekh lete

— Aziz Hyderabadi

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

sabza o gul kahaan se aae hain
abr kyaa chiiz hai havaa kyaa hai

— Mirza Ghalib

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha

qaatil tiri gali bhi badaun se kam nahin
jis ke qadam qadam pe mazaar-e-shahid hai

— Mushafi Ghulam Hamdani

main ne dekhaa hai bahaaron mein chaman ko jalte
hai koi khvaab ki taabir bataane vaalaa

— Ahmad Faraz