shaayad yahi kitaab-e-mohabbat ho laa-javaab — Aziz

na jaane kaun si manzil pe ishq aa pahunchaa
duaa bhi kaam na aae koi davaa na lage

— Aziz

zamir bechne vaale vo teraa saudaa-gar
zamir hi nahin zaat o sifaat le ke gayaa

— Aziz

shahr ho dasht-e-tamannaa ho ki dariyaa kaa safar
teri tasvir ko siine se lagaa rakkhaa hai

— Aziz

ye baat sach hai ki marnaa sabhi ko hai lekin
alag hi hoti hai lazzat nigaah-e-qaatil ki

— Aziz

Duubaa safina jis mein musaafir koi na thaa
lekin bhare hue the vahaan naa-khudaa bahut

— Aziz

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

— Haidar Ali Aatish

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

baat karnaa pyaar ki aasaan se aasaan hai
ishq karnaa karte rahnaa hai kaThin se bhi kaThin

— Raghvendra Dwivedi

kisi se ishq apnaa kyaa chhupaaein
mohabbat Tapki paDti hai nazar se

— Meer Mehdi Majrooh