ghamon se bair thaa so ham ne khud-kushi kar li — Balmohan Panday

mere alaava use khud se bhi mohabbat hai
aur aisaa karne se vo bevafaa nahin hoti

— Balmohan Panday

ham ab udaas nahin sar-ba-sar udaasi hain
hamein charaagh nahin raushni kahaa jaae

— Balmohan Panday

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

husn jalva dikhaa gayaa apnaa
ishq baiThaa rahaa udaas kahin

— Saifuddin Saif