kyaa faaeda hai qissa-e-rizvaan se tujhe — Baqar Agah Vellori

dekhte dekhte sitam teraa
sakht naashaad ho gayaa hai dil

— Baqar Agah Vellori

sar-e-saudaa pe tire sher-e-rasaa se 'aagaah'
silsila hashr kaa barpaa na huaa thaa so huaa

— Baqar Agah Vellori

kyaa khuub mere bakht ki manDve chaDhi hai bel
naa baagh na bahaar na kaanTaa naa phuul huun

— Baqar Agah Vellori

main tere hijr mein jiine se ho gayaa thaa udaas
pe garm-joshi se kyaa kyaa manaayaa ashk miraa

— Baqar Agah Vellori

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein

— Allama Iqbal

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

maarka garm to ho lene do khun-rezi kaa
pahle shamshir ke niche hamin jaa baiTheinge

— Mir Taqi Mir

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

— Asim Wasti

vaqt hai ab namaaz-e-maghrib kaa
chaand rukh lab shafaq hai gesu shaam

— Siraj Aurangabadi