go muddatein hui hain kisi se judaa hue — Behzad Lakhnavi

ishq kaa ejaaz sajdon mein nihaan rakhtaa huun main
naqsh-e-paa hoti hai peshaani jahaan rakhtaa huun main

— Behzad Lakhnavi

ham bhi khud ko tabaah kar lete
tum idhar bhi nigaah kar lete

— Behzad Lakhnavi

ai jazba-e-dil gar main chaahun har chiiz muqaabil aa jaae
manzil ke liye do gaam chalun aur saamne manzil aa jaae

— Behzad Lakhnavi

ai dekhne vaalo mujhe hans hans ke na dekho
tum ko bhi mohabbat kahin mujh saa na banaa de

— Behzad Lakhnavi

'bahzaad' saaf saaf main kahtaa huun haal-e-dil
sharminda-e-kamaal miri shaairi nahin

— Behzad Lakhnavi

zinda huun is tarah ki gham-e-zindagi nahin
jaltaa huaa diyaa huun magar raushni nahin

— Behzad Lakhnavi

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli

dil-e-haris hi apnaa na ho sakaa qaane
vagarna tere karam mein to kuchh kami na rahi

— Soz Hoshiarpuri

chaand ne taan li hai chaadar-e-abr
ab vo kapDe badal rahi hogi

— Jaun Elia