farishta hai to taqaddus tujhe mubaarak ho — Dil Ayubi

ye dilchasp vaade ye rangin dilaase
ajab saazishein hain kahaan aa gayaa huun

— Dil Ayubi

ye raah-e-ishq hai aakhir koi mazaaq nahin
saubaton se jo ghabraa gae hon ghar jaaein

— Dil Ayubi

is shahr mein to kuchh nahin rusvaai ke sivaa
ai 'dil' ye ishq le ke kidhar aa gayaa tujhe

— Dil Ayubi

lamha lamha mujhe viraan kiye detaa hai
bas gayaa mere tasavvur mein ye chehra kis kaa

— Dil Ayubi

phir marhala-e-khvaab-e-bahaaraan se guzar jaa
mausam hai suhaanaa to garebaan se guzar jaa

— Dil Ayubi

hasin hai shahr to ujlat mein kyuun guzar jaaein
junun-e-shauq use bhi nihaal kar jaaein

— Dil Ayubi

main takiye par sitaare bo rahaa huun
janam-din hai akelaa ro rahaa huun

— Aitbar Sajid

ghiraa huaa huun janam-din se is taaaqub mein
zamin aage hai aur aasmaan mire pichhe

— Mohammad Izhar Ul Haq

baar-e-khaatir hi agar hai to inaayat kiije
aap ko husn mubaarak ho miraa dil mujh ko

— Taashshuq Lakhnavi

sair-e-gulzaar mubaarak ho sabaa ko ham to
ek parvaaz na ki thi ki giraftaar hue

— Mir Taqi Mir

aaj yaaron ko mubaarak ho ki subh-e-eid hai
raag hai mai hai chaman hai dilrubaa hai diid hai

— Abroo Shah Mubarak

baanT Daale aise ham ne dil ke TukDe kaaT kar
janm din pe baanTte hain cake jaise kaaT kar

— Ankit Maurya