badan ko chhoD hi jaanaa hai ruuh ne 'aazar' — Dilawar Ali Aazar

sukhan-saraai koi sahl kaam thoDi hai
ye log kis liye janjaal mein paDe hue hain

— Dilawar Ali Aazar

ik din jo yunhi parda-e-aflaak uThaayaa
barpaa thaa tamaashaa koi tanhaai se aage

— Dilawar Ali Aazar

vahi sitaara-numaa ik charaagh hai 'aazar'
miraa khayaal thaa niklegaa taaq se kuchh aur

— Dilawar Ali Aazar

use kisi se mohabbat na thi magar us ne
gulaab toD ke duniyaa ko shak mein Daal diyaa

— Dilawar Ali Aazar

us se milnaa to use eid-mubaarak kahnaa
ye bhi kahnaa ki miri eid mubaarak kar de

— Dilawar Ali Aazar

us se kuchh khaas ta'alluq bhi nahin hai apnaa
main pareshaan huaa jis ki pareshaani par

— Dilawar Ali Aazar

kyon tasavvur mein ji rahaa huun main
jab haqiqat mein mar hi jaanaa hai

— Divyansh Rawat

apni anaa ki aaj bhi taskin ham ne ki
ji bhar ke us ke husn ki tauhin ham ne ki

— Iqbal Sajid

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha

ghurur bhi jo karun main to aajizi ho jaae
khudi mein lutf vo aae ki be-khudi ho jaae

— Riyaz Khairabadi

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

— Wali Aasi

jab talak shisha rahaa main baar-haa toDaa gayaa
ban gayaa patthar to sab ne devtaa maanaa mujhe

— Shams Deobandi