vahaan riyaaz-e-musalsal se kaam chaltaa hai — Dilawar Figar

is kaa kyaa hogaa ye jo unvaan aadhaa rah gayaa
ye bhi lete jaaein jo saamaan aadhaa rah gayaa

— Dilawar Figar

main bhi thaa haazir bazm mein jab tu ne dekhaa hi nahin
main bhi uThaa kar chal diyaa bilkul nayaa juutaa tiraa

— Dilawar Figar

pakDi gai radif to fauran ye kah diyaa
likhnaa kabhi thaa aur main yahaan likh gayaa abhi

— Dilawar Figar

ek achchhaa-khaasaa mard zanaane mein ghus paDaa
goyaa ki ek chor khazaane mein ghus paDaa

— Dilawar Figar

ek shaadi to Thiik hai lekin
ek do tiin chaar had kar di

— Dilawar Figar

kyaa bataaun mein tumhein is shahr kaa jughraafiya
bambai hai ik ghazal gaD-baD hai jis kaa qaafiya

— Dilawar Figar

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

sabza o gul kahaan se aae hain
abr kyaa chiiz hai havaa kyaa hai

— Mirza Ghalib

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

qaatil tiri gali bhi badaun se kam nahin
jis ke qadam qadam pe mazaar-e-shahid hai

— Mushafi Ghulam Hamdani

be-ilm shaairon kaa gila kyaa hai ai 'munir'
hai ahl-e-ilm ko tiraa tarz-e-bayaan pasand

— Muneer Shikohabadi