khaak seti sajan uThaa ke kiyaa — Faez Dehlvi

vahi qadr 'faaez' ki jaane bahut
jise ishq kaa zakhm kaari lage

— Faez Dehlvi

gul kuun ai shokh mukh tanik dikhlaa
ki khizaan kar dikhaa de us kuun bahaar

— Faez Dehlvi

jo kahiye us ke haq mein kam hai be-shak
pari hai huur hai ruh-ul-amin hai

— Faez Dehlvi

tujh badan par jo laal saari hai
aql us ne miri bisaari hai

— Faez Dehlvi

tujh ko hai ham se judaai aarzu
mere dil mein shauq hai didaar kaa

— Faez Dehlvi

abr kaa saaya o sabza raah kaa
jaan-e-man rath ki savaari yaad hai

— Faez Dehlvi

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

— Haidar Ali Aatish

sach ishq mein hain aashiq o maashuq baraabar
jo mushkil-e-majnun hai so hai mushkil-e-lailaa

— Mushafi Ghulam Hamdani

sau fasaad ek ishq mein uTThe
boyaa ik tukhm uge hazaar darakht

— Imdad Ali Bahr