bas ek baar vo aayaa thaa sair karne ko — Faheem Shanas Kazmi

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

— Faheem Shanas Kazmi

tumhaari yaad nikalti nahin mire dil se
nasha chhalaktaa nahin hai sharaab se baahar

— Faheem Shanas Kazmi

kisi ke dil mein utarnaa hai kaar-e-laa-haasil
ki saari dhuup to hai aaftaab se baahar

— Faheem Shanas Kazmi

jin ko chhu kar kitne 'zaidi' apni jaan ganvaa baiThe
mere ahd ki shahnaazon ke jism baDe zahrile the

— Faheem Shanas Kazmi

phir vahi shaam vahi dard vahi apnaa junun
jaane kyaa yaad thi vo jis ko bhulaae gae ham

— Faheem Shanas Kazmi

usi ne chaand ke pahlu mein ik charaagh rakhaa
usi ne dasht ke zarron ko aaftaab kiyaa

— Faheem Shanas Kazmi

jhaankte raat ke garebaan se
ham ne sau aaftaab dekhe hain

— Salman Akhtar

raushni ho rahi hai kuchh mahsus
kyaa shab aakhir tamaam ko pahunchi

— Aslam Farrukhi

shor din ko nahin sone detaa
shab ko sannaaTaa jagaa detaa hai

— Saifuddin Saif

ab bhi barsaat ki raaton mein badan TuTtaa hai
jaag uThti hain ajab khvaahishein angDaai ki

— Parveen Shakir

huaa hai shah kaa musaahib phire hai itraataa
vagarna shahr mein 'ghaalib' ki aabru kyaa hai

— Mirza Ghalib

us ko aanaa thaa ki vo mujh ko bulaataa thaa kahin
raat bhar baarish thi us kaa raat bhar paighaam thaa

— Zafar Iqbal