is dast-e-ikhtiyaar mein ik jaan hi to thi — Faisal Fehmi

kisi fard-e-mohabbat se bhalaa ummid kyaa rakhnaa
mohabbat bevafaa thi bevafaa hai bevafaa hogi

— Faisal Fehmi

yahi sab log hain in sab ne miraa qatl kiyaa
ye miri qabr ko phulon se sajaane vaale

— Faisal Fehmi

pahle tamaam shahr ko sahraa banaaeinge
phir vahshaton ki ret pe soyaa kareinge ham

— Faisal Fehmi

taa-umr tifl-e-dil pe yatimi kaa karb thaa
koshish to ki magar main kabhi maan na ban sakaa

— Faisal Fehmi

main apne aap kaa sab se baDaa mukhaalif huun
miri hi tarah kaa ik shakhs aur hai mujh mein

— Faisal Fehmi

taarik saraabon ki chakaa-chaund mein gum-sum
thaa sakht musalmaan main imaan se pahle

— Faisal Fehmi

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

kaabe ko jaataa kis liye hindostaan se main
kis but mein shahr-e-hind ke shaan-e-khudaa na thi

— Rind Lakhnavi

baat karnaa pyaar ki aasaan se aasaan hai
ishq karnaa karte rahnaa hai kaThin se bhi kaThin

— Raghvendra Dwivedi

dekhe na mujhe kyunkar az-chashm-e-hiqaarat-u
vo sarv-e-javaan yaaro man-faakhta-e-piram

— Nazeer Akbar Abadi

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli