nahin hai khush iztiraab mein hai — Farah Shahid

taqsim phir hui hai viraasat kuchh is tarah
ik maan zamin pe dekhiye phir dar-ba-dar hui

— Farah Shahid

kuchh is tarah qarib vo aayaa mire liye
us ki tavajjoh pyaar mein chaahat kaa ghar hui

— Farah Shahid

main kaisi raahon mein kho gai huun
sabhi qusur intikhaab mein hai

— Farah Shahid

khushiyaan jo baT rahi thiin vo ham ko nahin milin
aai hamaari baari to vaapas nazar hui

— Farah Shahid

puchho zaraa ye chaand se kaise sahar hui
itni tavil raat bhi kaise basar hui

— Farah Shahid

vo yuun to lagtaa hai sab ke jaisaa
magar judaa kuchh janaab mein hai

— Farah Shahid

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

us ke munh pe mukar gayaa thaa dil
aaj had se guzar gayaa thaa dil

— Divyansh Rawat

chaand ne taan li hai chaadar-e-abr
ab vo kapDe badal rahi hogi

— Jaun Elia

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal