tum jahaan ho vahaan ye yaad rakho — Farhan Dil

aaine se banaae rakh har dam
aaina shakhsiyat badaltaa hai

— Farhan Dil

apni taarif sun ke khush mat ho
varna dil mein ghurur paltaa hai

— Farhan Dil

ashk jo aankh se nikaltaa hai
hiddat-e-gham se dil pighaltaa hai

— Farhan Dil

aql yunhi kise mili hai dost
tajraba aagahi mein Dhaltaa hai

— Farhan Dil

kyaa zaruri hai saath dein saathi
yuun to saaya bhi saath chaltaa hai

— Farhan Dil

itni jheli hai dil ne maayusi
laa-shuuri mein haath maltaa hai

— Farhan Dil

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

koi viraani si viraani hai
dasht ko dekh ke ghar yaad aayaa

— Mirza Ghalib

uThaa sakte nahin jab chuum kar hi chhoDnaa achchhaa
mohabbat kaa ye patthar is dafa bhaari ziyaada hai

— Zafar Iqbal

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

— Jigar Moradabadi