us ki tarkib mat badal 'sayyad' — Farhan Saiyed

ziyaa'-e-vaqt hai aisi ziyaa bhi
bahut is mein ziyaan rakkhaa huaa hai

— Farhan Saiyed

kisi bhi kaam kaa chhoDaa nahin mujhe jis ne
vo shakhs aaj mujhe ek kaam kah rahaa hai

— Farhan Saiyed

jitnaa tumhaaraa zarf hai mil jaaungaa tumhein
dariyaa bhi meraa ruup hai qatra bhi dastyaab

— Farhan Saiyed

milti nahin hai chiiz koi bhi jagah pe ab
main apne ham-safar ki nafaasat se tang huun

— Farhan Saiyed

ik salib-e-vaqt par sayyad himaayat mein miri
jab koi bolaa nahin main intiqaaman chup rahaa

— Farhan Saiyed

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

main badalte hue haalaat mein Dhal jaataa huun
dekhne vaale adaakaar samajhte hain mujhe

— Shahid Zaki

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli

chaand ne taan li hai chaadar-e-abr
ab vo kapDe badal rahi hogi

— Jaun Elia