shauq-e-behad ne kisi gaam Thaharne na diyaa — Farhan Salim

hai meri aankhon mein aks-e-navishta-e-divaar
samajh sako to miraa nutq-e-be-e-zabaan le lo

— Farhan Salim

tujhe khabar hi nahin hai ye qissa-e-kotaah
jahaan pe but na gire kab vahaan haram utraa

— Farhan Salim

mataa-e-dard maaal-e-hayaat hai shaayad
dil-e-shikasta miri kaaenaat hai shaayad

— Farhan Salim

hausla sab ne baDhaayaa hai mire munsif kaa
tum bhi inaam koi meri sazaa par likh do

— Farhan Salim

mire sajde kabhi rusvaa na honge
tumhaaraa sang-e-dar ho jaaungaa main

— Farhan Salim

ab us maqaam pe hai mausamon kaa sard mizaaj
ki dil sulagne lage aur dimaagh jalne lage

— Farhan Salim

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

— Jafar Shirazi

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

us shaan-e-aajizi ke fidaa jis ne 'aarzu'
har naaz har ghurur ke qaabil banaa diyaa

— Arzoo Lakhnavi

ik tarz-e-taghaaful hai so vo un ko mubaarak
ik arz-e-tamannaa hai so ham karte raheinge

— Faiz Ahmad Faiz

ab bhi barsaat ki raaton mein badan TuTtaa hai
jaag uThti hain ajab khvaahishein angDaai ki

— Parveen Shakir

bin maange mil rahaa ho to khvaahish fuzul hai
suraj se raushni ki guzaarish fuzul hai

— Shahid Zaki