ek bose ke bhi nasib na hon — Farhat Ehsas

vo chaand kah ke gayaa thaa ki aaj niklegaa
to intizaar mein baiThaa huaa huun shaam se main

phir soch ke ye sabr kiyaa ahl-e-havas ne
bas ek mahina hi to ramzaan rahegaa

mire ashaar hain vo aasmaani khvaab jin ko
miri miTTi ke honThon par utaaraa jaa rahaa hai

ik aayat-e-vajud huun miTTi ke Dher mein
mere nuzul ki to koi shaan hi nahin

alam-bardaar tanhaai thaa apnaa 'farhat-ehsaas'
hujum-e-shahr ke haathon jo maaraa jaa rahaa hai

mohabbat phuul banne par lagi thi
palaT kar phir kali kar li hai main ne