bachpan se len-den thaa us ki sarisht mein — Farhat Zahid

khizaan ke aakhiri din the vo khushbu maangne aayaa
miraa daaman hi khaali thaa main us ko phuul kyaa deti

— Farhat Zahid

maan ban chuki huun main bhi magar us se kyaa kahun
jo apni maan ke pyaar se aage na jaa sakaa

— Farhat Zahid

ajiib rut hai ye hijr-o-visaal se aage
kamaal hone lagaa hai kamaal se aage

— Farhat Zahid

alfaaz na aavaaz na hamraaz na dam-saaz
ye kaise doraahe pe main khaamosh khaDi huun

— Farhat Zahid

vo aae to rang sanvarne lagte hain
jaise bichhDaa yaar bhi koi mausam hai

— Farhat Zahid

aurat huun magar surat-e-kohsaar khaDi huun
ik sach ke tahaffuz ke liye sab se laDi huun

— Farhat Zahid

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

raat yuun dil mein tiri khoi hui yaad aai
jaise viraane mein chupke se bahaar aa jaae

— Faiz Ahmad Faiz

tum hanso to din nikle chup raho to raatein hain
kis kaa gham kahaan kaa gham sab fuzul baatein hain

— Unknown

haq achchhaa par us ke liye koi aur mare to aur achchhaa
tum bhi koi mansur ho jo suuli pe chaDho khaamosh raho

— Ibn۔E۔Insha

andar aisaa habs thaa main ne khol diyaa darvaaza
jis ne dil se jaanaa hai vo khaamoshi se jaae

— Fariha Naqvi

saas aa jaae to kyuun ghar se chipak jaati hai
ye muamma hai samajhne kaa na samjhaane kaa

— Hammad Hasan