baras rahi hai udaasi tamaam aangan mein — Farooq Engineer

pichhlaa baras to khuun rulaa kar guzar gayaa
kyaa gul khilaaegaa ye nayaa saal dosto

— Farooq Engineer

kuchh to mahfuz rakhiye siine mein
zindagaani khuli kitaab na ho

— Farooq Engineer

is liye kaaTtaa huun ye ghaDiyaan
vaqt ki chaal kaamyaab na ho

— Farooq Engineer

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

intihaa ke qarib hai duniyaa
aadmi aakhiri sadi kaa huun

— Zubair Khayali

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq