anaa roke hue hai ham ko varna — Farzana Naz

ik maasum parinda hai dil
un aankhon mein jaal hai saahab

— Farzana Naz

ye tasavvur hi jaan levaa hai
vo kisi aur kaa hai meraa nahin

— Farzana Naz

mujh pe aasaan ho gayaa thaa vo
vo bhi urdu mein baat kartaa thaa

— Farzana Naz

ik hamaari sadaa thi is ban mein
lo ji khaamosh ho gae ham bhi

— Farzana Naz

hijrat mujh se lipaT gai hai
paanv mein kitne aur safar hain

— Farzana Naz

shahr mein ham saa bhi nahin koi
ik vahi be-misaal thoDi hai

— Farzana Naz

kyon tasavvur mein ji rahaa huun main
jab haqiqat mein mar hi jaanaa hai

— Divyansh Rawat

apni anaa ki aaj bhi taskin ham ne ki
ji bhar ke us ke husn ki tauhin ham ne ki

— Iqbal Sajid

ghurur bhi jo karun main to aajizi ho jaae
khudi mein lutf vo aae ki be-khudi ho jaae

— Riyaz Khairabadi

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

— Wali Aasi

jab talak shisha rahaa main baar-haa toDaa gayaa
ban gayaa patthar to sab ne devtaa maanaa mujhe

— Shams Deobandi