jise bhi chaahiye baa-shauq rakh le — Gulshan Mehra

mujhe tum kyaa bataaoge hadon se paar kyaa kyaa hai
jahaan tum jaa rahe ho naa vahaan se lauT aayaa main

— Gulshan Mehra

tire bimaar kaa guldaston se chehra nahin khiltaa
mujhe apni koi hansti hui tasvir bhejaa kar

— Gulshan Mehra

use har haal mein yakjaa karungaa
vo TuuTaa shakhs meraa aaina hai

— Gulshan Mehra

main apne aap se ik shart haaraa huun bataaun kyaa
mujhe lagtaa thaa meraa dil kabhi patthar nahin hogaa

— Gulshan Mehra

ye dard jo tum ko hai diyaa tum se milaa thaa
ham ne koi saamaan tumhaaraa nahin rakkhaa

— Gulshan Mehra

faqat kahne ki baatein hain kise kis kaa sahaaraa hai
tumhaaraa gham tumhaaraa hai hamaaraa gham hamaaraa hai

— Gulshan Mehra

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

us ke munh pe mukar gayaa thaa dil
aaj had se guzar gayaa thaa dil

— Divyansh Rawat

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal

chaand ne taan li hai chaadar-e-abr
ab vo kapDe badal rahi hogi

— Jaun Elia