ek sannaaTaa dabe-paanv gayaa ho jaise — Gulzar

aap ne auron se kahaa sab kuchh
ham se bhi kuchh kabhi kahin kahte

— Gulzar

aaina dekh kar tasalli hui
ham ko is ghar mein jaantaa hai koi

— Gulzar

shaam se aankh mein nami si hai
aaj phir aap ki kami si hai

— Gulzar

aadatan tum ne kar diye vaade
aadatan ham ne e'tibaar kiyaa

— Gulzar

aap ke baa'd har ghaDi ham ne
aap ke saath hi guzaari hai

— Gulzar

kabhi to chaunk ke dekhe koi hamaari taraf
kisi ki aankh mein ham ko bhi intizaar dikhe

— Gulzar

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli

us ke munh pe mukar gayaa thaa dil
aaj had se guzar gayaa thaa dil

— Divyansh Rawat

chaand ne taan li hai chaadar-e-abr
ab vo kapDe badal rahi hogi

— Jaun Elia