chaar divaarein tamaasha dekhti hain roz raat — Gyanendra Vikram

piyaala zahr kaa laae ho piine kyon nahin dete
mire marne pe ronaa hai to jiine kyon nahin dete

— Gyanendra Vikram

vasl ke do-chaar lamhe roz gin gin dekhnaa
rah gayaa thaa zindagi mein kyaa yahi din dekhnaa

— Gyanendra Vikram

khvaab mein chumaa thaa tum ne aur tab se aaj tak
gher leti hain mujhe har gulsitaan ki titliyaan

— Gyanendra Vikram

din-ba-din rog ye baDhtaa hi chalaa jaataa hai
din-ba-din tu miri buniyaad hui jaati hai

— Gyanendra Vikram

tere kaandhe pe mohabbat kaa Tikaa hai parcham
jaan be-shak na rahe haar na hone paae

— Gyanendra Vikram

kam-umri mein sunet hain
mar jaate hain achchhe log

— Malikzada Javed

zindagi ke bahut qarib na jaa
faasla kuchh to apne dhyaan mein rakh

— Akmal Imaam

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

— Nazim Sultanpuri

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

— Allama Iqbal

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz