jab na thaa zabt to kyuun aae ayaadat ke liye — Hafeez Jaunpuri

is ko samjho na khatt-e-nafs 'hafiz'
aur hi kuchh hai shaaeri se gharaz

— Hafeez Jaunpuri

jo divaanon ne paimaaish ki hai maidaan-e-qayaamat ki
faqat do gaz zamin Thahri vo mere dasht-e-vahshat ki

— Hafeez Jaunpuri

o aankh badal ke jaane vaale
kuchh dhyaan kisi ki aajizi kaa

— Hafeez Jaunpuri

pari thi koi chhalaavaa thi yaa javaani thi
kahaan ye ho gai champat jhalak dikhaa ke mujhe

— Hafeez Jaunpuri

kabhi masjid mein jo vaaiz kaa bayaan suntaa huun
yaad aati hai mujhe pir-e-kharaabaat ki baat

— Hafeez Jaunpuri

bahut duur to kuchh nahin ghar miraa
chale aao ik din Tahalte hue

— Hafeez Jaunpuri

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

koi viraani si viraani hai
dasht ko dekh ke ghar yaad aayaa

— Mirza Ghalib

ek parchhaain tasavvur ki mire saath rahe
main tujhe bhulun magar yaad mujhe tu aae

— Gulnar Aafreen

silvaTein hain mire chehre pe to hairat kyuun hai
zindagi ne mujhe kuchh tum se ziyaada pahnaa

— Ahmad Faraz