begam bhi hain khaDi hui maidaan-e-hashr mein — Hashim Azimabadi

honT ki shiriniyaan college mein jab baTne lagin
chaar din ke chhokre karne lage farhaadiyaan

— Hashim Azimabadi

goggle lagaa ke aankh par chalne lage hasin
vo lutf ab kahaan nigah-e-nim-baaz kaa

— Hashim Azimabadi

ret par ik nishaan hai shaayad
ye hamaaraa makaan hai shaayad

— Muzaffar Abdali

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi