paighaam-e-hayaat-e-jaavedaan thaa — Hasrat Mohani

ham kyaa karein agar na tiri aarzu karein
duniyaa mein aur bhi koi tere sivaa hai kyaa

barsaat ke aate hi tauba na rahi baaqi
baadal jo nazar aae badli meri niyat bhi

khirad kaa naam junun paD gayaa junun kaa khirad
jo chaahe aap kaa husn-e-karishma-saaz kare

iqraar hai ki dil se tumhein chaahte hain ham
kuchh is gunaah ki bhi sazaa hai tumhaare paas

aise bigDe ki phir jafaa bhi na ki
dushmani kaa bhi haq adaa na huaa

taasir-e-barq-e-husn jo un ke sukhan mein thi
ik larzish-e-khafi mire saare badan mein thi

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

specialist pain-killer de to kaun saa?
''saare jahaan kaa dard hamaare jigar mein hai''

main nibal tanhaa na is duniyaa ki sohbat siin huaa
rustamon kuun kar diyaa hai naa-tavaan inzaal niin

tu kahaan rahti hai puchhaa thaa kisi ne ek din
main ghamon ke saath rahti huun khushi kahne lagi