'maajid' khudaa ke vaaste kuchh der ke liye — Hussain Majid

kahne ki to baat nahin hai lekin kahni paDti hai
dil ki nagri mein mat jaanaa jo jaae pachhtaae

— Hussain Majid

logon ne aakaash se unchaa jaa kar tamghe paae
ham ne apnaa antar khojaa divaane kahlaae

— Hussain Majid

kal jo main ne jhaank ke dekhaa us ki niili aankhon mein
us ke dil kaa zakhm to 'maajid' saagar se bhi gahraa hai

— Hussain Majid

us kaa chehraa udaas hai 'maajid'
aaine par nazar gai hogi

— Hussain Majid

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

dasht ki naa-tamaam raahon par
koi saathi hai to shajar tanhaa

— Vijay Sharma

aao tum hi karo masihaai
ab bahalti nahin hai tanhaai

— Muneer Niyazi

meri chaadar to chhini thi shaam ki tanhaai mein
be-ridaai ko miri phir de gayaa tashhir kaun

— Parveen Shakir

tanhaa rahne mein bhi koi uzr nahin hai
lekin us ke saath hi tanhaa rah saktaa huun

— Zafar Iqbal

jab bhi vo mujh se milaa rone lagaa
aur jab tanhaa huaa rone lagaa

— Zafar Hameedi