zindagi vaadi o sahraa kaa safar hai kyuun hai — Ibrahim Ashk

zindagi apni musalsal chaahaton kaa ik safar
is safar mein baar-haa mil kar bichhaD jaataa hai vo

— Ibrahim Ashk

na dil mein koi gham rahe na meri aankh nam rahe
har ek dard ko miTaa sharaab laa sharaab de

— Ibrahim Ashk

ye aur baat hai ki barhana thi zindagi
maujud phir bhi mere badan par libaas thaa

— Ibrahim Ashk

kis liye katraa ke jaataa hai musaafir dam to le
aaj sukhaa peD huun kal teraa saayaa main hi thaa

— Ibrahim Ashk

koi to hogaa jis ko miraa intizaar hai
kahtaa hai dil ke shahr-e-tamannaa mein le ke chal

— Ibrahim Ashk

bikhre hue the log khud apne vajud mein
insaan ki zindagi kaa ajab bandobast thaa

— Ibrahim Ashk

kam-umri mein sunet hain
mar jaate hain achchhe log

— Malikzada Javed

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

zindagi ke bahut qarib na jaa
faasla kuchh to apne dhyaan mein rakh

— Akmal Imaam

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

— Nazim Sultanpuri