kai dinon se mire saath saath chalti hai — Iftikhar Mughal

ham ne us chehre ko baandhaa nahin mahtaab-misaal
ham ne mahtaab ko us rukh ke mumaasil baandhaa

— Iftikhar Mughal

gher leti hai koi zulf, koi bu-e-badan
jaan kar koi giraftaar nahin hotaa yaar

— Iftikhar Mughal

mohabbat aur ibaadat mein farq to hai naan
so chhin li hai tiri dosti mohabbat ne

— Iftikhar Mughal

khudaa! sila de duaa kaa, mohabbaton ke khudaa
khudaa! kisi ne kisi ke liye duaa ki thi

— Iftikhar Mughal

main tum ko khud se judaa kar ke kis tarah dekhun
ki main bhi ''tum'' huun, koi dusraa nahin huun main

— Iftikhar Mughal

tu mujh se mere zamaanon kaa puchhti hai to sun!
tiraa junun, tiraa saudaa, tiri talab, tiri yaad

— Iftikhar Mughal

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq