khirad ko khaana-e-dil kaa nigah-baan kar diyaa ham ne — Ijtiba Rizvi

sajda vo hai ba-rabb-e-kaaba
jis ko qaid-e-haram nahin hai

— Ijtiba Rizvi

khuub tamaashaa ham ko banaayaa aap tamaashaa aap hue
ham ko rusvaa karne nikle kaise rusvaa aap hue

— Ijtiba Rizvi

ye hamaari aap ki duriyaan ye kabhi kabhi ki huzuriyaan
hain ajab tarah ki lagaavTein rah-o-rasm-e-dur-o-daraaz mein

— Ijtiba Rizvi

ek din rindon ne masjid mein namaaz aa ke paDhi
dusre din use mai-khaana banaa kar chhoDaa

— Ijtiba Rizvi

maani-o-surat vahdat-o-kasrat zarra-o-sahraa aap hue
aap to kuchh hote hi nahin the kahiye kyaa kyaa aap hue

— Ijtiba Rizvi

is hirs-o-havas ke mele mein ham jins-e-mohabbat laae hain
sab saste maal ke gaahak hain ye mahngaa saudaa kaun kare

— Ijtiba Rizvi

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli

main badalte hue haalaat mein Dhal jaataa huun
dekhne vaale adaakaar samajhte hain mujhe

— Shahid Zaki

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal