zabt-e-gham kaa mire andaaza bhalaa kyaa hotaa — Imtiyaz Ahmad Qamar

yuun to qadam qadam pe khudaa sainkaDon mile
banda na mil sakaa koi bandon ke shahr mein

— Imtiyaz Ahmad Qamar

us 'qamar' ko hai khud ab apne hi chehre ki talaash
jis ko duniyaa ne kahaa aaj kaa gyaani hai yahi

— Imtiyaz Ahmad Qamar

jal-bujhi hogi koi aag kisi din us mein
be-sabab hi to nahin daagh 'qamar' mein aayaa

— Imtiyaz Ahmad Qamar

barg-e-aavaara ko ab apnaa pata yaad nahin
kyaa huaa tez havaaon ki paziraai mein

— Imtiyaz Ahmad Qamar

jab shahr mein dushman miraa koi bhi nahin thaa
phir kaun ye khanjar ki zabaan bol rahaa hai

— Imtiyaz Ahmad Qamar

mire hi hisse mein azmat salib-o-daar ki thi
mujhe hi ahd kaa apne rasul honaa thaa

— Imtiyaz Ahmad Qamar

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi