jo milaa toDtaa gayaa us ko — Inder Saraazi

aakhiri umr tak rahegi yaad
raat main saath jis ke bhigaa thaa

— Inder Saraazi

aankhein maltaa rotaa chaand
dekho phir se niklaa chaand

— Inder Saraazi

baDi mushkil se bahlaayaa thaa khud ko
achaanak yaad teri aa gai phir

— Inder Saraazi

ab kisi kaam ke nahin ye rahe
dil vafaa ishq aur tanhaai

— Inder Saraazi

raaz-daan hote hain vo ghar aksar
jin gharon mein dhuaan nahin hotaa

— Inder Saraazi

abhi to mausam-e-khizaan hai ye
khileinge phuul bhi bahaar ke saath

— Inder Saraazi

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal

dil-e-haris hi apnaa na ho sakaa qaane
vagarna tere karam mein to kuchh kami na rahi

— Soz Hoshiarpuri