nazaakat us gul-e-raanaa ki dekhiyo 'inshaa' — Insha Allah Khan Insha

ajiib lutf kuchh aapas ki chheD-chhaaD mein hai
kahaan milaap mein vo baat jo bigaaD mein hai

— Insha Allah Khan Insha

na chheD ai nikhat-e-baad-e-bahaari raah lag apni
tujhe aTkheliyaan sujhi hain ham be-zaar baiThe hain

— Insha Allah Khan Insha

kyaa hansi aati hai mujh ko hazrat-e-insaan par
fe'l-e-bad khud hi karein laa'nat karein shaitaan par

— Insha Allah Khan Insha

kamar baandhe hue chalne ko yaan sab yaar baiThe hain
bahut aage gae baaqi jo hain tayyaar baiThe hain

— Insha Allah Khan Insha

pahunchun main kis ki kohna haqiqat ko aaj tak
'inshaa' mujhe milaa nahin apnaa hi kuchh suraagh

— Insha Allah Khan Insha

jazba-e-ishq salaamat hai to inshaa-allaah
kachche dhaage se chale aaeinge sarkaar bandhe

— Insha Allah Khan Insha

haan dikhaa de ai tasavvur phir vo subh o shaam tu
dauD pichhe ki taraf ai gardish-e-ayyaam tu

— Allama Iqbal

har subh nikalte hain yahi soch ke ghar se
bikhri hui duniyaa ko sameTeinge kisi din

— Sayyed Riyaz Raheem

aankhon mein meri subh-e-qayaamat gai jhamak
siine se us pari ke jo parda ulaT gayaa

— Nazeer Akbar Abadi

andheri shab kaa ye khvaab-manzar mujhe ujaalon se bhar rahaa hai
to raat itni tavil kar de ki taa-qayaamat sahar na aae

— Aleena Itrat

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

— Zahid Masood

vo kitni jhiDkiyaan khaate hain subh-o-shaam biivi ki
magar vaaiz ko dekhaa aap ne aah-o-fughaan karte

— Bazagh Bihari