khulaa thaa lafz bhi jaadu-misaal hote hain — Iqbal Khawar

aaine par koi tohmat na dharo
khaal-o-khad apne sanvaaro saahab

— Iqbal Khawar

bahut hairat-zada hai aaina bhi
ki chehre par koi chehra nahin hai

— Iqbal Khawar

niind mat DhunD meri aankhon mein
silvaTein dekh mere bistar par

— Iqbal Khawar

us ko matlab kaa jab milaa mausam
rang us ke the dekhne vaale

— Iqbal Khawar

tu bhi dekhegaa zaraa rang utar lein tere
ham hi rakhte hain tujhe yaad ki sab rakhte hain

— Iqbal Khawar

izhaar ki ye bhi surat thi
khaamoshi ko fariyaad kiyaa

— Iqbal Khawar

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

qaatil tiri gali bhi badaun se kam nahin
jis ke qadam qadam pe mazaar-e-shahid hai

— Mushafi Ghulam Hamdani

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha

sabza o gul kahaan se aae hain
abr kyaa chiiz hai havaa kyaa hai

— Mirza Ghalib

main ne dekhaa hai bahaaron mein chaman ko jalte
hai koi khvaab ki taabir bataane vaalaa

— Ahmad Faraz