zamin se ahl-e-falak ko payaam-e-nazzaara — Izhaar Malihabadi

hazaar jaam chhalakte hue nafas-ba-nafas
hazaar baagh mahakte hue qadam-ba-qadam

— Izhaar Malihabadi

jahaan hai sher charaagh-e-junun jalaae hue
vahaan khaDi hai khirad apnaa sar jhukaae hue

— Izhaar Malihabadi

harim-e-dil mein jab aataa hai naaz farmaataa
tarab ke phuul khilaataa hai ye musavvir-e-gham

— Izhaar Malihabadi

khumaar-e-dida-e-anjum sharaab-e-lail-o-nahaar
hikaayat-e-na-shunida nigaar-e-naa-mahram

— Izhaar Malihabadi

khurush-e-sarsar-o-tufaan jamud-e-dasht-o-saraab
surud-e-fasl-e-bahaaraan khiraam-e-gardish-e-yam

— Izhaar Malihabadi

subu-e-falsafa-e-ishq-o-kahkashaan-e-hayaat
shuaa-e-qahr-e-tabassum charaagh-e-dida-e-nam

— Izhaar Malihabadi

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

— Zahid Masood

taa-falak le gai betaabi-e-dil tab bole
hazrat-e-ishq ki pahlaa hai ye ziinaa apnaa

— Jurat Qalandar Bakhsh

zamaana laakh sitaaron ko chhu ke aa jaae
abhi dilon ko magar haajat-e-rafu hai vahi

— Khaleel Tanveer

kuchh aur din abhi is jaa qayaam karnaa thaa
yahaan charaagh vahaan par sitaara dharnaa thaa

— Ateequllah

tumhaare ishq mein kyaa kyaa na ikhtiyaar kiyaa
kabhi falak kaa kabhi ghair kaa vaqaar kiyaa

— George Puech Shor

ye sach hai meri sadaa ne raushan kiye hain mehraab par sitaare
magar miri be-qaraar aankhon ne aaine kaa ziyaan kiyaa hai

— Ghulam Husain Sajid