dil pe kuchh aur guzarti hai magar kyaa kiije — Jaleel 'Aali'

barg bhar baar mohabbat kaa uThaayaa kab thaa
tum ne siine mein koi dard basaayaa kab thaa

— Jaleel 'Aali'

ham ki hain naqsh sar-e-reg-e-ravaank kyaa jaane
kab koi mauj-e-havaa apnaa nishaan le jaae

— Jaleel 'Aali'

raasta sochte rahne se kidhar bantaa hai
sar mein saudaa ho to divaar mein dar bantaa hai

— Jaleel 'Aali'

tumhaaraa kyaa tumhein aasaan bahut raste badalnaa hai
hamein har ek mausam qaafile ke saath chalnaa hai

— Jaleel 'Aali'

jaan khapaate hain gham-e-ishq mein khush khush 'aali'
kaisi lazzat kaa ye aazaar banaayaa huaa hai

— Jaleel 'Aali'

raasta aage bhi le jaataa nahin
lauT kar jaanaa bhi mushkil ho gayaa

— Jaleel 'Aali'

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli

us ke munh pe mukar gayaa thaa dil
aaj had se guzar gayaa thaa dil

— Divyansh Rawat

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal