ab ye bhi nahin Thiik ki har dard miTaa dein — Jan Nisar Akhtar

ye ilm kaa saudaa ye risaale ye kitaabein
ik shakhs ki yaadon ko bhulaane ke liye hain

— Jan Nisar Akhtar

ashaar mire yuun to zamaane ke liye hain
kuchh sher faqat un ko sunaane ke liye hain

— Jan Nisar Akhtar

zulfein siina naaf kamar
ek nadi mein kitne bhanvar

— Jan Nisar Akhtar

dil ko har lamha bachaate rahe jazbaat se ham
itne majbur rahe hain kabhi haalaat se ham

— Jan Nisar Akhtar

ishq mein kyaa nuqsaan nafa hai ham ko kyaa samjhaate ho
ham ne saari umr hi yaaro dil kaa kaarobaar kiyaa

— Jan Nisar Akhtar

itne maayus to haalaat nahin
log kis vaaste ghabraae hain

— Jan Nisar Akhtar

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

intihaa ke qarib hai duniyaa
aadmi aakhiri sadi kaa huun

— Zubair Khayali